നല്ല കഥ  (27)

 ഹൃദയം അല്ലാഹുവിലേക്ക് തിരിച്ചു ആവശ്യം നിറവേറി

       മൂസാ നബി (അ) ഒരു വഴിയിലൂടെ സഞ്ചരിക്കുമ്പോൾ പൊട്ടിക്കരഞ്ഞുകൊണ്ട് പ്രാർത്ഥനാനിരതനായിരിക്കുന്ന ഒരു വ്യക്തിയെ കാണാനിടയായി. ആശ്ചര്യ ഭരിതനായ മൂസാ നബി(അ) അല്ലാഹുവോടു പറഞ്ഞു: നാഥാ, അയാൾ എന്റെ സമീപമായിരുന്നുവെങ്കിൽ അയാളുടെ ആവലാതികൾ ഞാൻ പരിഹരിച്ചു കൊടുക്കുമായിരുന്നു.

അല്ലാഹു പറഞ്ഞു: മുസാ, നിന്നെക്കാളുപരി ആ മനുഷ്യനു കൃപ ചെയ്യുന്നവനാണു ഞാൻ. പക്ഷേ, അവൻ എന്നോടു പ്രാർത്ഥിക്കുന്നുണ്ടെങ്കിലും ഹൃദയം മറ്റെവിടെയോ ആണ്.

മൂസാ (അ) ഭക്ത നോട് ഇക്കാര്യം ഉണർത്തിയപ്പോൾ അയാൾ ഹൃദയം അല്ലാഹുവിലേക്കു തിരിച്ചു. അല്ലാഹു അദ്ദേഹത്തിന്റെ ആവശ്യം നിറവേറ്റുകയും ചെയ്തു.

(അദ്ദുആഉ ഹുവൽഇബാദ പേ: 43)