തലക്ക് പകരം തല തന്നെ.

നല്ല കഥ  (36)

                          തലക്ക് പകരം തല തന്നെ.

                   തിരുനബി പൗത്രൻ ഹുസൈൻ (റ) വിനെ വധിക്കാൻ കർബലയിലേക്ക് സൈനത്തെ പറഞ്ഞയച്ച ദുഷ്ടനയാരുന്നല്ലോ ഇബ്നു സിയാദ് .ഹുസൈൻ (റ) വിന്റെ കറാമത്ത് അവനിലൂടെ ജനങ്ങൾക്കു  കണ്ടറിയാൻ കഴിഞ്ഞു.

ഹിജ്റ 64 മുഹർറം 10 നു തന്നെ അവൻ ദാരുണമായി വധിക്കപ്പെട്ടു . അവന്റെ ശിരസ്സും അവഹേളനങ്ങൾ ഏറ്റുവാങ്ങി. ഖാസിർ പുഴയോരത്ത് താൻ വധിക്കപ്പെട്ടതിനു ശേഷം ശിരസ്സ് അരിഞ്ഞെടുക്കപ്പെട്ടു. ജഡം കരിച്ചുകളഞ്ഞു. അവന്റെ തല മുഖ്താറിന്റെ മുമ്പിൽ ഹാജറാക്കി. മറ്റ് പല തലകളും കൂട്ടത്തിലുണ്ട്. പൊടുന്നനെ മെലിഞ്ഞ ഒരു പാമ്പ് ഇഴഞ്ഞു വന്നു.

ഇബ്നു സിയാദിന്റെ വായിലൂടെ അത് അകത്ത് കടന്നു.പിന്നെ മൂക്കിലൂടെ പുറത്തേക്ക് വന്നു. പാമ്പ് പല തവണ ഇത് ആവർത്തിച്ചു. ഒടുവിൽ അപ്രത്യക്ഷമായി.

( അൽ ബിദായത്തു വന്നിഹായ 8/177-250 )