ചെറിയ പെരുന്നാൾ

ജവ്വാലത്തുൽ മആരിഫ് (79)

PDF ലഭിക്കാൻ ഇതിൽ click ചെയ്യുക 

1.    തക്ബീർ

   പെരുന്നാളിന്റെ തലേദിവസം സൂര്യാസ്തമയം മുതലാണ് തക്ബീറിന്റെ സമയം ആരംഭിക്കുന്നത്.

( തുഹ്ഫ 3/ 51, നിഹായ 2/397)

  പെരുന്നാൾ നിസ്കരിക്കുന്നയാൾ തക്ബീറത്തുൽ ഇഹ്റാമിലെ റാഅ ഉച്ചരിക്കുകയൊ, നിസ്കരിക്കാത്തവന് ളുഹ്റാവുകയോ ചെയ്താൽതക്ബീറിന്റെ സമയം *അവസാനിക്കുന്നതാണ്.*

( നിഹായ 2 /398 )

 വീടുകൾ, പള്ളികൾ, അങ്ങാടികൾ തുടങ്ങിയ സംസാരം കറാഹത്തില്ലാത്ത മുഴുവൻ സ്ഥലങ്ങളിലും സന്ദർഭങ്ങളിലും തക്ബീർ ചൊല്ലൽ സുന്നത്താണ്.

( തുഹ്ഫ 3/51, മുഗ് നി 1/426)

2.    പെരുന്നാൾ രാത്രി

പെരുന്നാൾ രാത്രികളെ ഇബാദത്തുകളെ കൊണ്ട് പ്രത്യേകം  സജീവമാക്കൽ സുന്നത്താണ്.

( ശർവാനി 3/51, മുഗ് നി 1/426 )

പ്രാർത്ഥനക്ക് ഉത്തരം ലഭിക്കുന്ന പ്രത്യേക അഞ്ച് രാത്രികളിൽപ്പെട്ടതാണ്.

( നിഹായ 2/397, ശർവാനി 3/51 )

രണ്ട് പെരുന്നാൾ രാത്രികളെ ഇബാദത്ത് കൊണ്ട് ആരെങ്കിലും ധന്യമാക്കിയാൽ ഭൗതികതയുടെ അധിപ്രസരത്തിൽപ്പെട്ട് പരലോകത്തെക്കുറിച്ച് ചിന്തനഷ്ടപ്പെടുക, ഈമാൻ നഷ്ടപ്പെടുക, അന്ത്യനാളിലുള്ള ഭീകരതകൊണ്ട് ആരും ആരെയും തിരിച്ചറിയാത്ത അവസ്ഥ ഉണ്ടാവുക ഇത്തരം അപകടങ്ങളിൽപ്പെടാതെ അവനെ അല്ലാഹു സംരക്ഷിക്കും.

( നിഹായ 2/397, കുർദി 2/85, ജമൽ 2/101 )

ജവ്വാലത്തുൽ മആരിഫ് (81)

          

3.    പെരുന്നാൾ ആശംസ

പെരുന്നാൾ ആശംസകൾ ആർപ്പിക്കൽ സുന്നത്ത്.

( തർശീഹ് 96, ശർവാനി 3/56, നിഹായ 2/401)

ശവ്വാൽ പിറവി മുതൽ ചെറിയ പെരുന്നാൾ മഗ്രിബ് വരെയാണ് ആശംസയർപ്പിക്കേണ്ട സമയം.

(ബു ശ്റൽ കരീം 2/18, ശർവാനി 3/56 )

4.    ആശംസ വാചകം.

തഖബ്ബലല്ലാഹു മിന്നാ വമിൻകാ

( ശർവാനി 3/56, ജമൽ 2/105)

ആശംസ അർപ്പിക്കുന്നവരോട് തിരിച്ചും ആശംസ പറയൽ സുന്നത്താണ്.

تقبل الله منكم أحياكم الله لأمثاله كل عام وأنتم بخير

( ശർവാനി 3/56, ജമൽ 2/105 )

                  പുരുഷൻ പുരുഷനുമായും സ്ത്രീയും സ്ത്രീയുമായും കാണാനും തൊടാനും പറ്റുന്ന മഹ്റമോ ഭാര്യ ഭർത്താക്കളോ ആയ ആണും പെണ്ണും തമ്മിലും ഹസ്തദാനം സുന്നത്താണ്.

( ശർവാനി 3/56, )

ഹസ്തദാനത്തിന് ശേഷം സ്വന്തം കൈ ചുംബിക്കൽ സുന്നത്താണെന്ന് ഇബ്നു ഹജർ (റ) പറഞ്ഞിട്ടുണ്ട്.

( ബിഗ്യ 46)

ജവ്വാലത്തുൽ മആരിഫ് (82)

5.    പെരുന്നാൾ കുളി

പെരുന്നാളിന് വേണ്ടി കുളിക്കൽ സുന്നത്താണ്.

(ഖുലാസ, തുഹ്ഫ 3/48)

നിയ്യത്ത്

ചെറിയ പെരുന്നാളിന്റെ സുന്നത്തായ കുളിയെ ഞാൻ കരുതി.

(തുഹ്ഫ 2/468)

സമയം

പെരുന്നാൾ ദിവസത്തെ അർദ്ധരാത്രി മുതൽ പെരുന്നാൾ ദിനത്തിലെ സൂര്യസ്തമയം വരെയാണ്.സുബ്ഹിക്ക് ശേഷം കുളിക്കലാണ് ഏറ്റവും ഉത്തമം..

(നി ഹായ 2/392, ശർവാനി 3/47)

പെരുന്നാളിന്റെ കുളി നഷ്ടപ്പെട്ടവന് അത് ഖളാഅ വീട്ടൽ സുന്നത്തുണ്ട്.

(ഫത്ഹുൽ മുഈൻ 142, ശർവാനി 2 / 466)

 പെരുന്നാൾ നിസ്കാരത്തിൽ പങ്കെടുക്കാൻ ആഗ്രഹിക്കാത്തവർക്കും കുളി സുന്നത്തുണ്ട്.

(തുഹ്ഫ 2/465)

ആർത്തവകാരിക്കും നിഫാസ്കാരിക്കും പ്രസ്തുത കുളി സുന്നത്തുണ്ട്.

(ശർവാനി 3/47)

നിർബന്ധ കുളിയോടപ്പം പെരുന്നാളിന്റെ കുളിയെ കരുതിയാൽ മതിയാകും. രണ്ടും കരുതിയാൽ രണ്ടിന്റെ കൂലി ലഭിക്കും.എന്നാൽ നിർബന്ധ കുളി നിർവഹിച്ച ശേഷം പെരുന്നാളിന്റെ കുളി നിർവഹിക്കലാണ് ഏറ്റവും ഉത്തമം.

( തുഹ്ഫ ശർവാനി സഹിതം 2 / 285,286 )

വകതരിവ് എത്താത്ത കുട്ടിയെ കുളിപ്പിക്കൽ രക്ഷിതാവിന് സുന്നത്തുണ്ട്

( ജമൽ 2 /98 )

ജവ്വാലത്തുൽ മആരിഫ് (83)

6.    പെരുന്നാളും - സുഗന്ധം

പെരുന്നാളിന് പുരുഷന്മാർക്ക് സുഗന്ധമുപയോഗിക്കൽ സുന്നത്താണ്.

( തുഹ്ഫ 3/45)

സ്ത്രീകൾ വീട്ടിൽ തന്നെ ആകുമ്പോൾ സുന്നത്താണ്. പുറത്തിറങ്ങുമ്പോൾ കറാഹത്തുമാണ്.

(നിഹായ ശബ്റാമല്ലിസി സഹിതം 2 /393, മുഗ്നി 1/424, ശർവാനി 3/47 )

7.    പെരുന്നാളും ഭംഗിയും

പെരുന്നാളിന് ഭംഗിയാകൽ സുന്നത്താണ്.

(തുഹ്ഫ 3/47, നിഹായ 2/393 )

ഭംഗിയാകേണ്ട രൂപം.

Ç കൈകാലുകളിലെ നഖം വെട്ടുക

Ç കക്ഷ രോമം ഗുഹ്യ രോമം കളയുക

Ç മീശ വെട്ടുക.

Ç മൂക്കിലെ രോമം വെട്ടുക

Ç ശരീരത്തിലെ അഴുക്കുകളും ദുർഗന്ധങ്ങളും നീക്കുക.

Ç മിസ് വാക്ക് ചെയ്യുക.

Ç പുതുവസ്ത്രം ധരിക്കുക.

(തുഹ്ഫ ശർവാനി സഹിതം 3/47, നിഹായ 2/393, ബുശ്റൽ കരീം 2/10,18)

ആർത്തവ നിഫാസ്കാരികൾക്ക്

§      ശരീരത്തിലെ അഴുക്കുകളും ദുർഗന്ധങ്ങളും നീക്കുക.

§      മിസ് വാക്ക് ചെയ്യുക.

§      പുതുവസ്ത്രം ധരിക്കുക.

§      എന്നിവ സുന്നത്താണ്.

(തുഹ്ഫ 1/284, ശർവാനി 3/40 )

നഖം വെട്ടലും മറ്റു കാര്യങ്ങൾക്കും അറിവ് ഗ്രൂപ്പിൽ വന്ന  ജവ്വാലത്തുൽമആരിഫ് (69) / PDF 6 കാണുക..

വില കൂടിയ ഭംഗിയുള്ള വെള്ള പുതുവസ്ത്രം ധരിക്കലാണ് സുന്നത്ത്

(തുഹ്ഫ ശർവാനി സഹിതം 3/47, 2/474,475,നിഹായ  2/340,393 )

8.    പുതുവസ്ത്രം ധരിക്കുമ്പോൾ...

  ﺍﻟﻠَّﻬُﻢَّ ﻟَﻚَ ﺍﻟْﺤَﻤْﺪُ ﺃَﻧْﺖَ ﻛَﺴَﻮْﺗَﻨِﻴﻪِ

 ﺃَﺳْﺄَﻟُﻚَ ﻣِﻦْ ﺧَﻴْﺮِﻩِ ﻭَﺧَﻴْﺮِ ﻣَﺎ ﺻُﻨِﻊَ ﻟَﻪُ ﻭَﺃَﻋُﻮﺫُ ﺑِﻚَ ﻣِﻦْ ﺷَﺮِّﻩِ ﻭَﺷَﺮِّ ﻣَﺎ ﺻُﻨِﻊَ ﻟَﻪ

എന്ന് ചൊല്ലൽ സുന്നത്താണ്..

( ഹദീസ് )

 വസ്ത്രം ധരിക്കുമ്പോൾ വലത് ഭാഗം കൊണ്ട് തുടങ്ങൽ സുന്നത്താണ്..

(ഖുലാസ വാള്യം 1)          

ജവ്വാലത്തുൽ മആരിഫ് (84)

9.    പെരുന്നാൾ പോക്കും വരവും

പെരുന്നാൾ നിസ്കാരത്തിന് പുറപ്പെടേണ്ട ഉത്തമ സമയം അധിരാവിലെയാണ്.

( തുഹ്ഫ 3/44 )

രോഗസന്ദർന ത്തിനുള്ളത് പോലെ പോയ വഴിയിലൂടെയല്ലാതെ തിരിച്ച് വരൽ, ദീർഘ വഴിയിലൂടെ പോകൽ എന്നിവ പെരുന്നാൾ നിസ്കാരത്തിന് പോകുമ്പോൾ സുന്നത്താണ്.

(തുഹ്ഫ-ശർവാനി സഹിതം 3/49, നിഹായ 2/395 )

നടക്കാൻ കഴിവുള്ളവർ സമാധനത്തോടെ നടന്ന് പോകലാണ് വാഹനത്തിൽ പോകുന്നതിനേക്കാൾ ഉത്തമം. തിരിച്ചു വരുമ്പോൾ എങ്ങനെയും വരാം..

( തുഹ്ഫ- ശർവാനി സഹിതം 2 / 247,471 നിഹായ 2/396)

10.   നിസ്കാരത്തിന് മുമ്പ് ഭക്ഷണം

ചെറിയ പെരുന്നാൾ നിസ്കാരത്തിന് മുമ്പായി എന്തെങ്കിലും കഴിക്കലും ,കഴിക്കുന്നത് കാരക്കയായിരിക്കലും ,അത് തന്നെ ഒറ്റയായിരിക്കലും പ്രത്യേക സുന്നത്തുണ്ട്.

ഇനി വീട്ടിൽ വെച്ച് കഴിക്കാൻ സൗകര്യപ്പെട്ടില്ലെങ്കിൽ വഴിയിൽ വെച്ചെങ്കിലും കഴിക്കൽ സുന്നത്താണ്.

(തുഹ്ഫ 3/49, നിഹായ ശബ്റാമല്ലിസിസഹിതം 2 /396, മുഗ് നി 1/425,426 )

ജവ്വാലത്തുൽ മആരിഫ് (85)

11.   പെരുന്നാൾ നിസ്കാരം

 പെരുന്നാൾ നിസ്കാരം ശക്തമായ സുന്നത്തും ഉപേക്ഷിക്കൽ കറാഹത്തുമാണ്.

( തുഹ്ഫ- ശർവാനി സഹിതം 3/39, നിഹായ 2/385)

സമയം.

പെരുന്നാൾ ദിനം സൂര്യോദയം തുടങ്ങിയത് മുതൽ ളുഹ്ർ വരെയാണ് പെരുന്നാൾ നിസ്കാരത്തിന്റെ സമയം..

( തുഹ്ഫ3/40, നിഹായ 2/387)

ഉത്തമ സമയം

സൂര്യൻ ഉദിച്ച് നമ്മുടെ കാഴ്ച്ചയിൽ ഏഴ് മുഴം (18 മിനുട്ടും 48 സെക്കന്റും ) ഉയർന്നതിന്റെ ശേഷം നിസ്കരിക്കലാണ് ഉത്തമം .

( തുഹ്ഫ 3/40, ശറ്ഹുൽ ബാകൂ റ 35 )

നിസ്കാര രൂപം

നിയ്യത്ത്.

ചെറിയ പെരുന്നാൾ നിസ്കാരം ഞാൻ നിസ്കരിക്കുന്നു ( ചുരുങ്ങിയ രൂപം)

ചെറിയ പെരുന്നാളിന്റെ 2 റക്അത്ത് സുന്നത്ത് നിസ്കാരം ഖിബ്ലക്ക് മുന്നിട്ട് അല്ലാഹു തഅലക്ക് വേണ്ടി അദാ ആയി ഞാൻ നിസ്കരിക്കുന്നു..

ജമാഅത്തായി നിസ്കരിക്കുമ്പോൾ ഇമാമോട് കൂടെ എന്ന് കരുതൽ നിർബന്ധമാണ്.

(തുഹ്ഫ 2/10, 11,12. ഫത്ഹുൽ മുഈൻ 49,50,120 )

തക്ബീർ.

2 റക്അത്തുള്ള ഈ നിസ്കാരത്തിൽ ഒന്നാം റക്അത്തിൽ വജ്ജഹ്ത്തു കഴിഞ്ഞ് അഊദു ഓതുന്നതിനു മുമ്പായി 7  പ്രാവശ്യവും രണ്ടാം റക്അത്തിൽ  5  പ്രാവശ്യവും തക്ബീർ ചൊല്ലണം. കൈകൾ ഉയർത്തിയാണ് തക്ബീർ ചൊല്ലേണ്ടത്.

 ഫാത്തിഹ ഓതി തുടങ്ങിയാൽ തക്ബീറിന്റെ അവസരം നഷ്ടപ്പെടും. രണ്ടാമത്തെ റക്അത്തിൽ വീണ്ടെടുക്കാനും പറ്റില്ല..

(ഫത്ഹുൽമുഈൻ )

തക്ബീറിന്റെ എണ്ണത്തിൽ സംശയിച്ചാൽ ചുരുങ്ങിയത് കൊണ്ട് പിടിക്കുക.3 ഓ 4 ഓഎന്ന് സംശയിച്ചാൽ 3 കണക്കാക്കി ബാക്കി പൂർത്തിയാക്കുക.

( മുഗ്നി 1/423, ബുശ്റൽ കരീം 2/18, ശർവാനി 3/41 )

ചൊല്ലേണ്ട തക്ബീർ.

سبحان الله والحمد لله ولا إله إلا الله والله أكبر

(ഖുലാസ 112)

സൂറത്ത്.

ഒന്നാം റക്അത്തിൽ ഖാഫ്  അല്ലെങ്കിൽ സബ്ബിഹ്സ്മയും, രണ്ടാം റക്അത്തിൽ ഇഖ്തറബ അല്ലെങ്കിൽ ഗാശിയയും ഓതൽ സുന്നത്താണ്.

( ഖുലാസ 112, ശരവാനി 3/45 )

പുരുഷന്മാർ ജമാഅത്തായി നിസ്കരിക്കുമ്പോൾ മാത്രമാണ് ഖുത്വുബ സുന്നത്ത്.

( തുഹ്ഫ 3/40)

അറിവ്

(മത-ഭൗതികസമന്വയ വാട്സപ്പ് ഗ്രൂപ്പ്)

സുഹൈൽ ശാമിൽ ഇർഫാനി പോത്താംകണ്ടം 

8547227715 (അഡ്മിൻ)

sulhasuhail715@gmailcom